காந்த விசை கண்கள்

காந்த விசை கண்கள் 

ஒளி வீசும் பற்கள் 

தேன் சொட்டும் உதடுகள் 

சங்கென மிளிரும் கழுத்து 

மெருகேற்றிய மெல்லிடை 

மென்மையான சின்ன நடை 

எனக்கு உன் மெய் அழகு - ஆனால் 

கவிதைக்கு பொய் அழகு..!!

**திலீபன்**

கைவிரல் தீண்டையில்

என் கைவிரல் தீண்டையில் 

உன் பூவிதழ் மேனி புண் படுமோ

 என்கின்ற பயத்தில் தான் - உன்னை 

தொடாமல் தள்ளிநின்று தாகம் தீர்க்கிறேன் 

**திலீபன்**

அடைமழை நேரத்தில்

அடைமழை  நேரத்தில்

அணைத்திட  ஆசையில்லை

குடை  பிடித்து  கூடவா

இடைபிடித்து நடக்க ஆசை

* திலீபன் *

என் அருகில் வந்தாய்

என் அருகில் வந்தாய் மெய் மறந்தேன்

என் கை கோர்த்தாய் என்னை மறந்தேன்

எனை கட்டி அணைத்தாய் காமம் கடந்தேன்

இரு இதழ்கள் இணைத்தாய் தூக்கம் களைந்தேன்

*திலீபன்*

அன்னைக்கு மட்டும் தான் தெரியும்

அடுத்தவரின் கண் படும் என்று

கண் மையை எடுத்து

கன்னத்தில் வைத்த

அன்னைக்கு மட்டும் தான் தெரியும்

ஆசை மகனின் அழகு

*திலீபன்*